الدعاية المدفوعة (Sponsored Products) هي وسيلة إعلانات قوية مصممة علشان تساعدك توصل لهدفك ده وتزود فرص ظهور منتجاتك للناس الصح.
إعلانات الدعاية المدفوعة بتظهر منتجاتك بشكل استراتيجي في نتايج البحث وأماكن مهمة تانية على الموقع، وده بيساعدك تتفوّق على المنافسين وتعرض أحسن منتجاتك في اللحظة اللي العميل بيكون فيها جاهز يشتري.
الطريقة الموجهة دي بتضمن إن منتجاتك توصل للعميل الصح في الوقت الصح. الدعاية المدفوعة بتزوّد من فرص ظهورك وبالتالي بتزوّد المبيعات، خاصة لو اخترت المنتجات الصح.
إعلانات الدعاية المدفوعة بتظهر في أماكن زي:
أول صفحة في نتايج البحث
صفحة الأقسام (Category Page)
صفحة تفاصيل المنتج
الصفحة الرئيسية (Homepage)
مهما كان حجم شركتك، الدعاية المدفوعة تعتبر من أشهر استراتيجيات الإعلانات، لإنك تقدر تستهدف الإعلانات سواء بكلمات مفتاحية (Keywords) أو بمنتجات معينة.
المرونة دي بتخليها مناسبة لأي بيزنس عايز يوصل لعملاءه بطريقة ذكية وفعالة.
ده شرح مبسّط:
إنت اللي بتختار المنتجات والكلمات المفتاحية (Keywords) أو تسيب جوميا تعمل ده أوتوماتيك:
بتختار المنتجات اللي حابب تروّج ليها، وكمان الكلمات المفتاحية(Keywords) اللي العملاء غالبًا هيبحثوا بيها. ولو حابب تسهّل على نفسك، ممكن تستخدم خاصية الاستهداف التلقائي من جوميا اللي بتربط منتجاتك تلقائيًا بالكلمات المناسبة.
بتحدد الميزانية والعرض (الـ Bid):
إنت اللي بتقرر هتصرف قد إيه على الحملة (الميزانية)، وكمان أقصى مبلغ ممكن تدفعه مقابل كل ضغطة على الإعلان (العرض).
بتدفع بس لما حد يضغط على الإعلان (نظام الدفع مقابل الضغطة – CPC):
مش هتدفع حاجة لمجرد إن الإعلان اتعرض، إنما بتدفع بس لما حد يضغط فعليًا على إعلان الدعاية المدفوعة.
زيادة الظهور:
منتجاتك هتوصل لعدد أكبر من الناس، خصوصًا اللي بيدوروا فعلًا على الحاجات اللي بتبيعها. وده بيساعدك تتميز وسط الزحمة وتسبق المنافسين.
زيادة عدد الزوار للمتجر بتاعك:
لما إعلاناتك تظهر في أماكن بارزة، بتقدر تجذب أكتر ناس تضغط وتدخل على صفحة المنتج.
زيادة المبيعات والأرباح:
كل ما زاد الظهور وعدد الزوار، غالبًا ده بيترجم لمبيعات أعلى وإيرادات أكبر.
تحكم كامل في ميزانية الإعلان:
إنت اللي بتحدد قد إيه هتصرف، وده بيديك سيطرة كاملة على استثمارك في الإعلانات.
النتايج اللي هتحققها من الدعاية المدفوعة بتعتمد على عوامل كتير، زي:
جودة صفحة المنتج:
عناوين جذابة، وصف واضح ومفصل، صور بجودة عالية، وسعر منافس – كل ده بيساعد يحوّل الزائر لمشتري.
مدى مناسبة الكلمات المفتاحية (Keyword) ( (لو الحملة يدوية):
لازم تختار كلمات فعلاً الناس بتدور بيها علشان تظهر في نتايج البحث الصح.
الميزانية والعروض:
لازم الميزانية تكون كافية، والعروض منافسة علشان تقدر تاخد فرصة ظهور أكبر.
مدى التنافس في فئة المنتج:
لو الفئة فيها منافسة عالية، هيكون محتاج مجهود أكتر وميزانية أعلى علشان توصل لنتايج قوية.
تحسين الحملة بشكل مستمر:
مهم تتابع الأداء وتعدّل على الحملة باستمرار علشان تحقق أكبر مكسب من المبلغ المدفوع للاعلانات (ROAS).
رغم إن الدعاية المدفوعة ممكن ترفع نسبة الظهور والمبيعات بشكل كبير، لكن لازم يكون عندك توقعات واقعية وتشتغل دايمًا على تحسين حملاتك علشان تحقق أفضل نتايج.
ولو حابب تتواصل مع حد من فريق الدعاية المدفوعة، تقدر تكلمنا من هنا.
